Paie Hafidh Sahib Avec L’argent Zakāt
QUESTION:- Ene Musualli pé envi paie ticket Hafiz ki fine faire tarawih la avek largent zakaat, li pé demander si li permissible?
RÉPONSE
Assalamualaykum Warahmatullāhi Wabarakatuhu
Hāmidan Wamuswalliyan
Al Jawāb Bi’ounillāh Wa alayhi At-tuklān
Premièrement perna droit paie ou même donne ene cadeau à ene Hāfidh Sāhib ki pé officier Tarāwīh seulement.
Même ki banne Musuallis donne ene certaines cadeaux à celui ki pè officier Tarāwīh, la aussi li pas correcte. Hadhrat Mouftī Ahmad Khānpurī Dāmat Barakātuhum dire “Ceki reconue comme coutume equivalent à ceki prevalent et en accorde (Al Ma’rouf kal Mashrūtw). Donc si perna sa coutume ki kan pé termine Quran dans Tarāwīh, bizin donne cadeau Hāfidh Sāhib la, lerla li ti pour correcte pour donne li cadeau. Mais azordi tous Masjid finne faire sa vinne ene pratique, li pas correcte pour donne cadeaux à banne ki pé officier Tarāwīh seulement.
Dans Fatāwā ‘Uthmāniyyah fine explique clairement ki li pas permissible pour paie ene dimoune seulement la cause ki li pé faire Tarāwīh. Si pas fine gagne personne volontairement pour faire Tarāwīh, lerla ene deux situations:-
1- Ene personne kapave lire Sourah Al-Fīl juska An-Nās dans dix premier et deuxième Raka’āt.
2- Ou engage ene Nāib Imām (assistant Imām) celui ki kapave recite 30 Juz complete dans Tarāwīh et aussi donne li banne lezotte Namāz pour officier. À la fin kapave donne li ene la paie entant ki Imām.
Si sa Hāfidh Sāhib ki fine faire Tarāwīh li perna Nisāb, li capave prend Zakāt aussi. Mais bizin faire ene investigation conner si li mérite Zakāt et informe li ki zotte pé paie so Ticket, a cause ki li mérité.
Mais bizin pas ouvert sa banne qualité la porte la, ki beaucoup pour prend juste largent Zakāt pour paie ticket pour ki banne dimoune sorti l’extérieur pour faire Tarāwīh dans Maurice. Meilleur évité même ki Hāfidh Sāhib la mérite Zakāt.
Allāh Ta’ālā le Savant Parfait et L’omniscient.
Mouftī Mohammad Ashhad Bin Saeed Al Mahmūdy
DārulIftaa Mahmoodiyyah Mauritius
WhatsApp +23052902134
Fatwa@askmufti.net
RÉFÉRENCES
مسائل رفعت قاسمي، ٢ – مسائل تراويح ص. ٢٦
فتاوى محمودية، ١٧/ ٧٦ فاروقية
كتاب النوازل، ٥/ ١٣٤
محمود الفتاوى، ١/ ٤٩٨
إمداد الفتاوى، ١/ ٣٧١ – ٣٧٩
فتاوى عثماني، ١/ ٤٦٠
كتاب النوازل، ٥/ ١٤٧ – ١٤٨
فتاوى عثماني، ١/ ٤٦٢
كتاب النوازل، ٥/ ١٣٧
أحسن الفتاوى، ٣/ ٥١٦
