Mo Rêve Mo Papa

Question:Assalamoualaikum mufti saheb.Mo papa finne décéder ene semaine de cela et hier soir mo finne faire ene rêve:Moi et mo la famille ti dehors pé assiser et manger acoté moi sur le gauche, mo papa ti mettre ene ‘Songkok’ (ene chapeau qui banne Musulman metter dans Sud Asiatique) et Jibril (As) finne dire li qui li pu décéder bientot, mo papa finne assize tranquille, so les yeux finne vinne rouge avec larmes et moi mo ti pé pleurer quand mo finne tendre sa nouvelle la et devant moi ti ena map de Makkah et dans sa Map la, Makkah ti entouré avec de l’eau”.

S’il vous plait, interprêt sa rêve la pour moi Moufti Saheb, mo encore dans le trauma du decée de mon papa li ti ene bon Musulman qui finne aide beaucoup dimoune (musulmans et non musulmans) et introduire moi et mo soeurs et freres Islam, Salah et jeûner qui nous pratiqué sans arêts
S’il vous plait faire Du’a pour mo papa Maghfirat et gagne Jannatul Firdaus.
Jazakallah Khair.

Assalāmualaykum Warahmatullāhi Wabarakātuhu

Hāmidan Wamuswalliyan Al Jawāb Bi’ounillāh Wa’alayhi at Tuklān

La mort li ene fait irréfutable qui nous pas capave nié. Temps en temps nous perdi nous même dans sa le monde éphémère la qui nous penser nous pour vivre la pour tout les temps.

Comme ene resultat, Allāh faire nous rappel et montre nous banne signes par la perdision de ene proche pour montre qui tout kitchose dans sa le monde la li juste temporaire.

Perdi ene proche li ene moment chagrinant et devastateur, spécialement pour la famille et banne amis proches. Malgré selon le Qur’an 2:156, qui ene l’âme li appartenir à Allāh et pour retourne cotte li quand le temps arrivé, car même li ene moment doulereux quand nous trouve ene proche décéder. Juste banne celui qui finne experience li qui capave conne le soufrance qui sa amener.

En d’autre mots le Prophète (Sallallāhu Alayhi Wasallam) dire qui la mort c’est ene cadeaux pour ene croyant. Si ene dimoune atan pour joindre Allāh, Allāh aussi envie joindre li, et si li pas ambitueux pour joindre so Allāh, Allāh aussi pas ambitueux pour joindre li. (Al-Mujamul Kabinīr, reference:Targhīb, Vl4 Page 335 et Majma’uz Zawāid, Vl 2 Page 320 & Sahīh Bukhāri et Muslim)

Qui capave faire c’est:
1- Du’a
2- Sabrun Jameel (patience)
3- Pas adopté la solitude et isolationnisme.
4- Pardonne le défunt si arriver ti ena quitte problèmes. 
5- Sadaqah
6- Occupe ou même avec banne kitchoses ki bénéfice.
7- Faire ene réflexion lors nous lavie de tous les jours.

Le Marhoom (Qui le Tout Puissant remplis so tombe avec lumière et l’air frais du paradis) qui ti ene example pour ou, pour faire ou développe la conscience d’Allāh. 

Rêve l’ange Jibraīl (Alayhis Salām) et Makkah li ene grand signe de bénédiction. Garde confiance qui ou papa dans ombrage de pitié d’Allāh le Tout Puissant. 

Allāh Ta’ālā le Savant Parfait.
Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp:+230 57554717

(Traduire en créole par Ummi Ayrah)