Madame Coupe Cheveux Parceki Trop Longue
QUESTION:- Assalaamoualaikoum.
Mo question c’est:-
Alhamdulillāh mo madame so cheveux bien longue ki pousser et finne arrive juska so genoux.
Mais sa donne li quelques difficultés et nuisance, très souvent li pour gagne maux de tête, ki pas ti pé gagner avant. Li imper embarrassant pour lave so cheveux aussi.
Alhamdulilaah li porte le hijaab devant banne Mehraam et kan li sorti.
Mo ti voudrait conner si mo madame capave faire coupe et diminuer so cheveux juska so hanches, biensûr ene l’autre madame ki pour coupe so cheveux.
Jazaak Allah Khair
°°°°°°°°°°°°°°°°°
Assalamoualaykum Warahmatullāhi Wabarakātuhu
Hāmidan Wamuswalliyan
Al Jawāb Bi’ounillāh Wa’Alayhi at Tuklān.
Cheveux cest beauté ene madame, il PAS permissible pour ene madame corrige ou coupe so cheveux. Ena beaucoup l’emphase pour ki ene madame pas coupe cheveux.
Li ene grand péché, ki demande le Tawbah Sincère. Banne Juristes finne condamne ene tel act ki pé tombe parmi l’immoralité.
Nous pour conseille ou pour consulter ene médecin ki musulman et cherche banne alternative ki aide ou contre les maux de tête. Esseye de voir si la raison pour la douleur de tête provient depuis ou madame so cheveux ou d’autres raisons.
Ki kapave faire pour retenir cheveux la sans gagne banne complications.
Définitivement difficultés dans lave li, pour raisonnable, mais sa banne difficultés mineur ki amene récompense.
Si le cas de ou épouse genuine ki demande diminuer so cheveux juska hanches pour gagne soulagement, après ki finne consulter ene médecin ki ena la crainte D’Allah, donc dans sa instance la li pour permettre médicalement pour diminuer la quantité nécessaire pour so traitement.
[Sources:- Radd Al Muhtār Page 664, khulāsa Al Fatāwā Ghaza Uyoun Al Baswāir 3 Page 262…..]
Allāh Ta’ālā le Savant Parfait et l’Omniscient.
Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
