La Peinture Lors La Main

QUESTION:- Asmlkm. Si 1 personne fr peinte…et meme aprE ki line fini tire lapeinture lor so lecorps, ena 1 2 bane ti point ki resT, eski so ghusl et wudhu pu comptE? Si li pne remarker et line fini fr namaz?

Assalāmualaykum Warahmatullāhi Wabarakātuhu 

Hāmidan Wamuswalliyan 
Al Jawāb Bi’ounillāh Wa’alayhi at Tuklān 

Si après ki ou fine retire la peinture et certaines banne place fine rester pour ena différent situations:-

Wudhu
1- Si la peinture la lors banne membres ki obligatoire pour laver dans Wudhū et kapave tire la peinture la, Wudhū pas pour valide et Namāz pas pour valide, bizin retire la peinture et complète Wudhū et Namāz.
2- Si la peinture pas lors banne places ki obligatoire laver dans Wudhū, tius les deux Wudhū et Namāz poir valide.
3- Si la peinture dans place ki bizin laver dans Wudhū, mais après buku zefor, pas finne réussi tire li akoz li difficile et dans banne place couma coin zongle, dans ce cas Wudhū pour valide.

Ghusl
1- Si la peinture lors le corps, bizin esseye retire li tanque mieux possible, sinon ghusl pas pour valide.
2- Banne places ki impossible pour tirer couma coin zongles, la Ghusl pour valide.

Faire zefor pour servi certaines banne détergents ou solutions ki facile pour retire banne la peinture. Aussi mette ene linge ki bien encastré ki pas laisse la peinture pénétrer.

(Ref:- Nūrul Īdwāh Page 18, Marāqi Al Falāh Page 31, Radd Muhtār Vl1 Page 515, Hāshiyah Tahtwāwy Page 62)

Allāh Ta’ālā le Savant Parfait.
Moufti Mohammad Ashhad Bin Saeed Al Mahmūdy
Dāruliftaa Mahmoodiyyah Mauritius.
WhatsApp 57554717