La Fenêtre Bizin Fermée Akoz Jinn Et Laisse Linge Sec Endehor

Question:- (1) Eski nu gagne droit kit la fenetre dan nu la chambre ouvert kan nu dormi dan asoir eski li safe pou nou akoz ou bien bizin lesli fermer akoz ki mo ine tander jhinn kapav rentrer?
2eme question eski li vrais ki bne linge ki nu ine met sec nu bizin pa kit li juska aprer magrib bizin fini ramaser avant azaan magrib doner?

Assalāmualaykum Warahmatullāhi Wabarakātuhu 
Hāmidan Wamuswalliyan 
Al Jawāb Bi’ounillāh Wa’Alayhi at Tuklān.

Li permissible pour laisse la fenêtre, rideau ouvert le soir, tanque ki ena garanti ki pas pé expose l’indécence à l’extérieur.

Mettre banne linges sec en dehors après Maghrib aussi pour permettre.

Le Hadīth de Bukhāri dire le Prophète Sallallāhu Alayhi Wasallam fine dire: “Quand la noirté de la nuit faire so apparition, retenir zotte zenfants.” Banne Djinns zotte éparpillé dans sa l’heure la. Après sa l’heure la fini passé, laisse zotte sorti. Ferme zotte banne la portes avec le nom d’Allāh, car le diable pas capave ouvert ene la porte ki fermer avec le nom d’Allāh”. [Depuis ‘Atwa et Jābir Ibné Abdillāh Radhiyallāhu anhum / Sahīhayn]

Sa l’ordre de pas laisse nous zenfant sorti et ferme la porte c’est préférable non pas obligatoire (Ibāhah laa lil Wujūb).

Imām Nawawī Rahimahullāh expliquer ki:-
Shaytān et Djinn pour toujours pénétrer dans tous directions, pas nécessairement par la porte.

Islam montrer ene grand sagesse ki protège nous zenfant contre méfait de Shaytān et aussi contre banne danger de la nuit. Ena conscience ki prend le nom D’Allāh quand pé rentre la maison et ferme banne la portes.
[Sources:- Faīdhul Qadīr lil Bukhāri, Sharh Libnu Mājah, Sharh An Nawawī lil Muslim, Al Mirqāt Al Mafātīh]

Allāh Ta’ālā le Savant Parfait et l’Omniscient.
Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp 23052902134 / 23057554717