Ki Fer Nous Pas Donne Opportunité Nous Banne Haafidh Locale

La valeur de ene Haafidh li énorme, parceki Allāh fine permet zotte pour préserve so parole Al Qur’an (ene Miracle divine ki pour rester juska Qiyaamah)

Le Prophète Sallallāhu Alayhi Wasallam fine décrire le cœur ene Haafidh couma ene flacon de parfume.

Si li récite le Qur’an, li occasionne lezot pour bénéficier de sa parfume la.

Alhamdulillāh a Maurice nous ena beaucoup Haafidh Qur’an. Mais li chagrinent pour trouve ki c’est banne Haafidh de l’extérieur (foreigner) ki pé officier Taraweeh dans banne Masaajid autour de L’île dans le mois de Ramadhān.

Nous banne Masaajid prend responsabilité pout mettre en place ene logistique (ticket, habitat, repas ect) pour accommode banne Haafidh saheb (étranger/de l’extérieur) et remuer zotte après le mois de Ramadhān avec banne cadeaux et parfois même ene paiement chaleureux.

Ki arrive nous banne Haafidh locale alors!!

Li ene vérité ki toute longue de l’année nous pas soucieux couma pour mettre ene logistique à fin pour préserve nous banne Haafidh Sahib locale.

Chaque l’endroit ti capave prend ene statistique de banne Haafidh et esseye de mette en place ene système pour réforme l’état de nous banne bien-aimés Haafidhul Qur’an ki finne négligé et même finne vinne ene victime financier ou corruption sociale.

Zoen nous banne Ulamā (savant de la religion) et esseye pour trouve ene solution pour réforme la situation, même si sa prend des années. Au moins nous conscience devant Allāh Ta’ālā ki nous pas finne vinne insouciant ene parmi banne responsabilités envers le Quran.

Sans pointe le doigt envers personne, li découragent pour trouve ki lecture pour Taraweeh finne vinne ene compétition. Sous camouflage de sois disant “faire Musuallis écoute zoli lecture Qur’an”, nous pé promote NOM de nous Masjid et rang de présidentiel entant organisateur….ena beaucoup point pour mentionner mais, c’est

Avec ene douleur du cœur et l’amour fraternelle nous pé esseye “RING THE BELL” pour moi et nous tous prend conscience ki nous banne Haafidh Sahib locale, zotte aussi banne protecteur choisir par Allāh Ta’ālā pour protege la parole du Qur’ān.

 ” Ki Allah verse si bénédiction et guide nous pour ene meilleur reformation ” . aameen

Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius