Jibraīl Alayhis Salām
Question: Eski sa narration la li authentique?
Ene jour Rasūlullāh (Sallallāhu Alayhi Wasallam) finne demande Jibraīl, “eski to finne déja voyage en vitesse?”
Jibril répondre :”Oui, sur quatre occasions”.
Rasūlullāh (Sallallāhu Alayhi Wasallam), finne demander, “Qui sa quatres occasions la?
Li finne répondre: La première fois quand ti mettre Ibrahim (Alayhis Salām) dans du feu Namrūd’s. Sa l’heure la mo ti cote près cot Arsh. Allāh finne ordonne moi pour refroidir du feu la. Mo finne quitte Arsh et mo finne decendre dépi jannah.
La deuxième fois c’etait quand Ibrahim (Alayhis Salām) ti pé alle sacrifier so garçon Isma’il (Alayhis Salām) dans Mina. Allāh finne donne moi l’ordre pour remplace so garçon par ene mouton, avant qui Ibrahim (Alayhis Salām) tap so couteau.
La troisième fois c’etait quand, les frères des Yusuf (Alayhis Salām) finne jette li dans puit. Allāh finne ordonne moi pour sap la vie de Yusuf (Alayhis Salām) mo finne alle en vitesse et place mo les ailles enbas Yusuf (Alayhis Salām) avant qui li alle au fond du puit.
Et en quatrième fois quand toi, “O Rasūlullāh (Sallallāhu Alayhi Wasallam), to finne blesse to le dents pendant le bataille de Uhud”. Allāh Ta’ālā finne ordonne moi pour arrête ou du sang avant qui li touche la terre, parcequi aukéne plante ni arbre pas ti pour poussé, jusqu’a la fin du monde. Entendre sa, mo finne vini en vitesse et tenir to du sang avec mo les ailles. “
Assalāmualaykum Warahmatullāhi Wabarakātuhu
Hāmidan Wamuswalliyan Al Jawāb Bi’ounillāh Wa’alayhi at Tuklān
Malheureusement, mo pas finne trouve sa dans aukéne Hadīth qui authentique.
Ene dimoune besoin arrête pour propage sa banne qualités narration la jusqu’a vérification. Li mieux pour faire erreur mais sur le coté prend precaution, spécialement quand pé attribué kitchose à Nabi (Sallallāhu Alayhi Wasallam). C’est la pratique de banne Muhaddithoun, prend précaution et abstenir depuis banne narrations jusqu’a banne vérifications plus avancer.
Allāh Ta’ālā le Savant Parfait.
Dārul Hadīth Awāmiyyah de Maulānā Muhammad Abbās Umar Hafidhahullāh
Adopté par Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp: 230 57554717
(Traduire en créole par Ummi Ayrah)
