Force Mo Madame Pour Casse So Roza Pour Kapave Alle En Menaz

Question: Asalamualaikum Hazrat
Ene camarad pour moi finne avoué ene grand PÊCHÉ qui li finne commêtre avec so madame reçament.
Madame la ti pé remplace so banne Roza qui li finne marqué pendant le mois de Ramadhan vue qui li ti enceinte.
So époux pour satisfait so désir sexuel li finne couyone so madame pour annule so Roza. Li finne dire li, qui li capave casse so Roza acause l’heure de Zawal finne déja depassé. Madame la finne croire li alor li finne annule so Roza.
À la suite, li finne realiser qui li finne commêtre ene pêché très grave et li concerné apropos l’amende et conditions Kaffarah (compensation), et eski li Wajib lor so madame aussi vue ki li finne annule ene Roza fardh.

Assalāmualaykum Warahmatullāhi Wabarakātuhu

Hāmidan Wamuswalliyan 
Al Jawāb Bi’ounillāh Wa’alayhi at Tuklān 

Oui, li ene grand pêché pour décevoir so madame pour gagne relation sexuelle avec li. Mais la porte Tawbah li ouvert, besoin demande beaucoup pardon.

Ene Roza Qadhā (ki pé remplacer) c’est ene remplacement pour Roza ki ti besoin garder dans Ramadhān.
Dans so cas pour ena ene seul Roza Qadhā qui besoin remplacé. 

Roza additionelle ou Kaffārah (compensation) pas pu ene nécessité.

(Fatāwa Shāmiyyah Vl 2 Page 560)

Allāh Ta’ālā le Savant Parfait.
Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius. 
WhatsApp 57554717