Faire Namāz Sunnah Et Nafl Assizer
QUESTION:- Aslm. Ki manier mufti sahab???
Esqui namaz sunnat car même muakkadah et gair muakkadah li jaiz lire assizé quand capave faire quiyaam, rukou et sijdah bien ??? Esqui quand pou lire li assizé pou gagne thawaab la moitié ??? Esqui tou banne sunnat en vrai dire li pas nafil même sa, parce qui mo fine tan sa dans you tube avec mawlana zulfiqar damat barakaatouh ki tou sunnat ses nawaafil sa ???
Et mo croire li ti dire qayaam pas farz dans sunnat, parce qui sunnat oussi nawaafil même.
Assalāmualaykum Warahmatullāhi Wabarakātuhu
Hāmidan Wamuswalliyan
Al Jawāb Bi’ounillāh Wa’alayhi at Tuklān.
Sunnah et Nafl ena ene différence dans zotte implication. Mais nous pour trouver ki banne livres de Fiqh servi Nafl en générale.
Sunnah Muakkadah le Prophète Sallallāhu Alayhi Wasallam ti ponctuelle et li pé quitter très rarement avec ene raison genuine.
Négligence envers Sunnah Muakkadah faire ene personne vinne ene pêcheur (gunehgār)
Sunnah Ghair Muakkadah et Nafl tombe dans même catégorie, si faire gagne récompense et négligence pas apport péchés.
[Al Marāqi Al Falāh page 116]
Allāma Haskafi Rahimahullāh dire ki banne Sunnah avant Namāz c’est pour faire Shaytān déçu de son malfaisant, tandis que banne Sunnah après Namāz, remplit et comblé manquement dans Namāz Fardh. [Durr Al Mukhtār `ala Radd Al Muhtār Vl 1 Page 452]
Nafl Swalāh amène la proximité (Qurb) avec Allāh Ta’ālā, vue ki nous trempé dans banne transaction mondaine, nous tendances pour incliné vers ce bas monde. Nafl li retire sa insouciance la. [Al Hujjatullāh Al Bālighā Vl 2 Page 28]
Maintenant eski li permissible pour faire Sunnah ou Nafl assizer?
Li permissible, mais amène seulement la moitié de la récompense quand pé accomplir sans aukene raison valable, au cas contraire si ena ene raison genuine, la récompense pour complète (full). [Tahwāwi `Ala Marāqi Al Falāh Vl 1 Page 402]
Tanque possible faire Namāz Sunnah Muakkadah ou Nafl débouter pour meilleur même ki assizer permis. Le deux Sunnah de Fajr fine fortement recommendé pour faire débouter et négligence de Qiyām sans raison valable li ene péché (Gunnah). [Al Radd Al Muhtār Vl 1]
Allāh Ta’ālā le Savant Parfait et l’Omniscient.
Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp 23052902134 / 23057554717
