Compétition Qur’an
QUESTION: Mo tifille li pé Hāfidhah et li ena ene compétition Quran pour participé, mais li fek gagne so Haiz, eski li pour kapave participé?
Assalamualaykum Warahmatullāhi Wabarakātuhū
Hāmidan Wamuswalliyan
Al Jawāb Bi’ounillāh Wa alayhi At-tuklān
Azordi jour nous pé vive dans ene le monde compétitif, l’éducation séculaire pé mette banne primes pour élèves developpe excellence.
Compétition Qur’ān li pareille couma banne cadeaux ki ene Madrasah ou Maktab metter comme mode d’encouragement pour ki banne élèves capave excel dans le domaine de Ilm-e-Deen (connaissance vitale). Compétition Qur’ān c’est aussi ene exposer pour ki banne lezotte personnes, parents et enfants encourager pour mémorise le Qur’ān. Sans oublier ki bizin travaille pour ki sa compétition faire uniquement pour Allāh so plaisir, couma sa même banne participants aussi bizin developpe la sincérité (Ikhlās).
Si ene fille li Non Bālighah (mineur d’après Shari’ah) li kapave participé devant banne lezotte personnes étrangères.
Mais si li Bālighah (majeur) li bizin pas expose li même devant banne Non Mahram. Pour developpe Hayah, pudeur, chasteté li plus important pour sa tifille la ki exposition devant ghayr Mahram.
Si compétition Qur’ān pé faire parmi banne Madames, li pour permettre.
Maintenant lakoz ki li dans Hāidh li bizin pas recite Qur’ān excepté si li pé faire Hāfidhah, dans ce cas li pour lire tâtonnement (mot cass cassé) sans touche Qur’ān afin ki li kapave preserve so revision Qur’ān.
Ene compétition li pas nécessités, donc li bizin pas participé. So Tarbiyyah et formation trouve dans Allāh et so Raçoul Sallallāhu alayhi Wasallam so obéissance.
Allāh Ta’ālā le Savant Parfait et L’omniscient.
Mouftī Mohammad Ashhad Bin Saeed Al Mahmūdy
DārulIftaa Mahmoodiyyah Mauritius
WhatsApp +2302902134
Fatwa@askmufti.net
