Birthday Celebration

QUESTION:- Eski ene personne permet pour réjouir dans ene sens de remerciement ki fine gagne so l’âge, li cuit ene repas et manger entre famille?

°°°°°°°°°°°°°°°°°
Assalāmualaykum Warahmatullāhi Wabarakātuhu

Hāmidan Wamuswalliyan
Al Jawāb Bi’ounillāh Wa’Alayhi at Tuklān.

Kiken finne demande Maulānā Rashīd Ahmad Gangôhī Rahimahullāh si kapave célébrer so zenfant so l’anniversaire, donc li dire ki li permissible.

Mais sans ki nous imite banne Non-croyants dans zotte façon de célébrer.

[Fatāwā Rashidiyyah, Page 567 / chapitre of Jawāz Hurmat ke Masā’il]

Muftī Abdur Rahīm Lajpurī Rahimahullāh dire ki perna aukene mal ou mauvais pour montrer gratitude envers Allāh Ta’ālā et remerciement pour ki li fine donne ene l’année de la vie enkor- ‘pour accomplir bonne oeuvres et repentis’.

[Fatāwā Rahimiyah Vl 10 Page 226]

Li nature humaine pour ressentir la contentment ki nous fine prend naissance. Mais tous ceki nous faire besoin distingue nous depuis la façon de faire de banne mécréants.

Prepare ene repas et invite banne proches famille li permissible. Invite banne pauvres ena plus beaucoup virtues.

Banne ki zotte parent encore vivant, besoin valeur maman et papa, parceki grâce à zotte effort ki nous grandi et aussi le moment de nous naissance c’est zotte ki ti plus joyeux.

Organise ene party et fêté de façon ki pé transgresse Allāh Ta’ālā so l’ordre, amène So colère.

Allāh Ta’ālā le Savant Parfait et l’Omniscient.
Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
Askmufti.net
Fatwa@askmufti.net
WhatsApp 2302902134 / 23057554717
Fb Page, YouTube Mufti Ashhad Bin Saeed