Accepter L’invitation Dépi Ene Personne Ki Travaille Dans La Banque

Question:- Aslm
Ki manier mufti sahab???
1 masla mufti sahab
Mone gagne ene dawat tanto, li pou avoy takeaway pou moi,
Mo tan dire bye la li travail Habib bank, so madame pas coné ki li travail, mo ena guman ki capave li oussi li travail dans ene la bank même, et mesié la li faire couma ene courtier loto oussi (li asté loto, li met li azour, et li vend li, mo pas trouve so travail courtier la ene grand business.
Esqui mo gagne droit mange sa manger la ???

Answer:-
Assalāmualaykum Warahmatullāhi Wabarakātuhu 
Hāmidan Wamuswalliyan
Al Jawāb Bi’ounillāh Wa’alayhi at Tuklān 

Si ene personne so revenue li plus depuis la ene source ki Haraam, telle couma travaille dans ene la banque conventionnelle ki ena banne transactions de loan avec l’intérêt, la li pour impermissible pour consomme nourriture ki provient depuis la personne. 

Mais dans le cas ki li ena l’autre source de revenue ki Halaal, pour ena deux situation:-
1- Si 60% so revenue li Halāl et 40% Harām li pou Makrouh pour accepter l’invitation.
2- Si 60% Harām et 40% Halal li pas permissible pour accepter l’invitation.

Continuer garde ene bon relation avec li, tant et lieu explique li la lois du Shari’ah en ceki concerne so boulot.

Allāh Ta’ālā le Savant Parfait et Omniscient.
Mouftī Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius
WhatsApp:- 57554717