À Qui Dégré Ene Dimoune Capave Dialogue Avec Ene Epouse Potentielle

Question: Mo ena quelques questions regardent le procedure du marriage.
1. Eski li permissible pour mo conne ene fille avec l’intention du marriage? par example envoye banne messages, video call, joindre li en personne.
2. Mo camarade dire qui li permissible si la fille implique so Mehram (frère) comme ene compagnie dans la procedure? par example lors ene group WhatsApp et ensuite mo ajoute so frère et nous envoye message ene à l’autres en presence de so Mahram ou mo joindre li en personnelle dans ene place publique, par example cafétéria et li acompagnié par so frère.
3. Si non, qui façon permissible pour conne ene à l’autres. Mais dans le cadre du Shari’ah? Comme certain parents dans banne pays occidentales perna aukene connections dans la communauté, donc beaucoup banne personnes célibataire servi application marriage musulman pour cherche zotte épouse.Cotte le perspective li totalement étranger et li difficile pour rentre en marriage sans ene photo claire.
4. Qui la loi apropos envoye banne messages et téléphoner après fiançaille?

Assalāmualaykum Warahmatullāhi Wabarakātuhu

Hāmidan Wamuswalliyan Al Jawāb Bi’ounillāh Wa’alayhi at Tuklān.

En principle, li pas permissible pour ene dimoune pour cause avec ene madame qui non-Mahram.
Shari’ah finne ferme tout la porte qui capave amène ene dimoune commettre banne péché illicite.

Si ene dimoune envie maryé li permissible, au contraire il très recommendé, pour cherche ene épouse potentielle avant marriage si li sérieux pour méprise le marriage.

Voir ce Hadith:
Abu Huraira (Radhiyallāhu anhu) rapporté mo ti dans la compagnie d’Allāh so Messager Sallallāhu Alayhi Wasallam) quand ene personne finne vini et finne informe le Prophète qui li finne maryé avec ene madame de Answar. Donc,le messager d’Allāh (Sallallāhu Alayhi Wasallam) dire eski to finne jette ene cout d’oeil à la dame? Li répondre non. Le Prophète Sallallāhu Alayhi Wasallam dire “alle guete li parcequi ena ene kitchose dans lizié de banne Answar.(Sahīh Al Muslim 1424)

Sayyidunā Bakr bin Abdullah Al-Muzani rapporté qui:m Al-Mughirah bin Shu’bah Radhiyallāhu anhu finne propose ene madame, donc le Prophète (Sallallāhu Alayhi Wasallam)dire “guete li, certainement pour ena plus la contentment et sa pour faire kitchose marche bien entre zotte deux”.(Sunān Tirmīdhī 1087)

Si ene dimoune interessé pour maryé avec une fille, li besoin guette li et cherche renseignements apropos elle depuis so Mahrams et banne d’autres sources possible. Après li besoin faire Istikhara et la fille aussi besoin adopté le même procedure. Raison de plus c’est pour garde ene à- l’autres so dignité, respect et l’honneur.

Li pas pour permissible pour dialoguer avec ene épouse potentielle juste par téléphone, envoye banne messages ou faire video call.

Le but de cherche ene épouse potentielle c’est seulement pour être certain apropos zotte l’apparence physique et beauté, mais pas zotte caractères ou mode de vie.

Méthode le plus effectives pour capave assuré lors sujet du caractère et mode de vie de ene épouse potentielle c’est à travers so families et d’autres associées.

Selon le Shari’ah, ene fiançaille li juste ene accorité qui les deux pour marrier dans le future, li pas change le fait qui ene couple qui fiancé ki zotte étranger pour ene à l’autres avant le marriage.

Donc, li pas pour permissible pour dialoguer avec ou fiancée, même par téléphone, e-mail, message, texto etc.

Allāh Ta’ālā le Savant Parfait.
Moufti Ebrahim Desai Rahimahullāh.
Adopté par Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp: 230 57554717

(Traduit en créole par Ummi Ayrah)