Madame Fer Itikāf Dans Lakaz

Question: Qui la loi dire apropos ene madame faire Itikāf à la maison?

Assalāmualaykum Warahmatullāhi Wabarakātuhu

Hāmidan Wamuswalliyan Al Jawāb Bi’ounillāh Wa’alayhi at Tuklān.

Oui, ene madame capave faire Itikāf pour gagne récompense et approche plus près avec Allāh. Si li maryer li pour besoin la permission de so époux pour faire Itikāf.

Itikāf li ene Sunnah aussi pour banne madames pendant les 10 dernières jours out Ramadhān (depuis le coucher du soleil Sur le 20ème du Ramadhān jusqu’a le croissant de īd apparaît), ou Nafl si li faire li dans les zotte l’heure.

Si ene madame faire Itikāf pour moins qui dix jours (par example, 3 ou 4 jours dans le 10 dernière jours du Ramadhān) de la li pour consideré comme ene Nafl de Itikāf.

Li pour besoin faire Itikāf dans ene place specifique cotte li faire so Swalāh à la maison. Si li perna aukene place spécifique lerla li besoin faire ene place specialement à la maison cotte li capave faire so Itikāf.

Si ene madame li faire Swalāh dans ene portion de so la maison, mais li envie faire Itikāf dans ene l’autre portion de so la maison, dé la li pour besoin faire l’intention (Niyyah) qui depuis maintenant li pour faire Swalāh dans sa place la avant li assize pour Itikāf.

Dans ene grand la chambre pas pour capave faire Itikāf, mais dans ene petit capave. Si toutefois dans ene place cotte li pour comfortable pour dormi, manger, et assizer. Sa place la li pour couma ene Masjid pour madame la, donc li pas pour capave quite sa place la sans ene excuse valable.

Le complète Sunnah de Itikāf qui commence depuis le coucher du soleil sur le 20ème de Ramadhān jusqu’a le croissant du Īd li apparait, si ene la dame gagne so menstruation (Haidh) li pour besoin anulle so Itikāf. Mais toutefois, li pour besoin faire Qādha ene jour de Itikāf (avec jeûner/Roza) depuis le coucher du soleil jusqu’a d’autres coucher du soleil.(24 heures temps) 

Quand l’Itikāf casser, (meme si reste deux jours ou huits jours resté) le Qadhā pour seulement un seule jour.

Si li vinne propre pendant Ramadhān li capave complète le Qadhā de ene jour avec Roza de Ramadhān.
Si Ramadhān finne terminer li capave faire li ene jour quand li pé remplace so banne Roza manquant, sinon quand li garde so Roza Nafil.

Li pour reste dans so place pour Itikāf, seulement quand ena le besoin pour sorti dehors tels comme pour soulage li même (toilette) ou pour manger et boire. Si ena ene personne qui capave amène so manger et boire, lerla li pas pour permissible pour quite so place.

Li pour permissible pour causer seulement en cas neccesité. Meilleur maintenir le vraie spiritualités de l’itikaf par tourne vers Allāh et coupe avec banne causer qui pas nécessaire.

Allāh Ta’ālā le Savant Parfait.
Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp: 230 57554717

(Traduire en créole par Ummi Ayrah)