Doute Dans Īmān Et Encourage Le Mal
Question: Qui banne mots de Kufr qui continuer l’incrudulité? Mo pas ti conné qui banne mots de Kufr li assimile a l’incrudulité si pas ti ena l’intention pour perdi la croyance, eski sa banne déclaration la li constituer l’incrudulité?
(1) Allah pas aide moi, Allah avare, Allah pas aide moi, eski Allah envie mo commettre péché? si ene dimoune dire sa banne déclaration la pas conné qui li pé commettre Kufr, qui décision apropos sa?
(2) Gagne banne penser comme Allah pas pour encoler si mo commettre sa péché la, Allah conné mo pas pour capave vivre sans sa péché la, de la li ok pour moi pour faire.
(3) Encourage les zotte pour faire péché. Si ene dimoune li encourage ene l’autre pour guette télévision, ou dire qui li correcte pour guette banne programmes Islamique ou banne série Pakistanais ou même banne programmes cuisinier et qui péna narien de mal la dans vue qui li calmer morale et dire qui pas personne Parfait.
(4) Si arriver gagne sa banne penser la, même pour ene moment li finne tenté eski li annule la croyance?
Assalāmualaykum Warahmatullāhi Wabarakātuhu
Hāmidan Wamuswalliyan
Al Jawāb Bi’ounillāh Wa’alayhi at Tuklān
(1) Si ene dimoune finne dire ene mots de Kufr sans aukene conaissance qui sa mots la li représente Kufr, malgré sa pour considère li comme si li finne quitte le cadre de l’Islām. Pas ena la conaissance li pas pour ene éxcuse pour dire banne mots de Kufr. (Al Fatāwā Al-Hindiyyah Vl 2 Page 276)
(2) Allāh le Tout Puissant finne ordonne nous pour reste loin avec péché. Faire sa vinne ene l’habitude pour éloigne ene dimoune depuis Allãh. Le Qur’ān finne décrire sa banne qualité la comme “Zotte le coeur finne scellé avec péché qui finne accumulée” (Qur’an 83:14).
En addition, nous besoin faire tout nous mieux possible pour nous pas forme partie dans aukene type de péché, mais si finne arriver par faiblesse faire li, besoin demande pardon et pitié d’Allāh.
Le Qur’ān mentionner ki “Allāh pour content toi, et pour pardonne to péché”. Allāh le plus grand pardonner et dispenser de grâce”. (Al Qur’an chapitre 3 versé 31).
Li grave pour commettre péché et dire qui Allāh le Tout Puissant pas pour encoler.
(3) Allāh le Tout Puissant dire:”aide ene à l’autre dans virtue, la droiture, et dans la pieté, mais pas aide ene à l’autre dans péché, transgrésseur, et peur Allāh, certainement Allāh li sévère dans punition” (Al Qur’an chapitre 5 verse 2)
Ou besoin pas encourage les autres pour guette télévision, comme li tombe dans la catégorie de jouer et l’amusement et encore d’autres kitchose qui rélier avec tel couma (images de banne objects animés, homme et madame pé guette gendre opposé qui pas zotte Mahram)
(4) La pensée de Kufr lKi Wasāawis, li pas conte comme Kufr, si ou pas finne determiner dans la pensée (Azm) kan pé dire banne paroles de Kufr et tanque qui le coeur li en paix avec Īmān.
Si ene membre de ou la famille finne dire ene parole de Kufr, même si li pas ena l’intention, où pour besoin expliqué zotte par adopté la sagesse qui consequences arriver apropos sa banne énonciations pareille la.
Avec le constat si ene musulman dire ene mot de Kufr dans ene drame ou ene peice de théâtre et le but c’est la propagation de l’Islām, li pour coupable et ena la possibilité qui sa dimoune là alle endehor cadre de Islām. (Fatāwā Rahimiyyah Vl 2 Page 13)
Toutefois, comme précaution, li meilleur pour re lire Kalimah et rénouvler ou marriage si ou marié.
Allāh Ta’ālā le Savant Parfait.
Moufti Mohammad Ashhad Bin Saeed Al Mahmūdy.
Dāruliftaa Mahmoodiyyah Mauritius.
WhatsApp:57554717
(Traduit en créole par Ummi Ayrah)
