Invitation De Ene Non Musulman
Question : Mo invité dans ene mariage Hindu eski mo kapave alle manger parceki c’est catering ki pé prépare manger?
°°°°°°°°°°°°°°°
Assalāmualaykum Warahmatullāhi Wabarakātuhū
Hāmidan Wamuswalliyan
Al Jawāb Bi’ounillāh Wa’alayhi At-tuklān
Participe dans mariage Hindu sans nécessité pas encourager. Bizin éna ene raison genuine lerla consulté banne Ulamā pour gagne guidance.
Manger cote éne non Musulman ki so nourriture Halāl permet même ki li Makrūh. Mais à condition ki nous éna certitude ki so revenue ou place ki order li certifier Halāl et payment pé faire avec l’argent Halāl. (Fatāwā Mahmoodiyyah Vl 5 Page 101)
Ki veut dire Halāl c’est ki so travaille pas condamnable dans Shari’ah tel couma la banque ou l’assurance ki Harām.
Donc avec éne revenue Halāl, li bizin ki li pé acheter banne ingredients ki Halāl aussi. Plus simple nous pour guete si revenue si Halāl et si banne kitchose ki pé manger li Halāl. Si ene manquer parmi dans deux la, li pas permet pour manger la bas.
Allāh Ta’ālā le Savant Parfait et l’omniscient.
Muftī Mohammad Ashhad Bin Saeed Al Mahmūdy
Dāruliftaa Mahmoodiyyah Mauritius
