Laat Et ‘Uzza
Question : – Ki sanla Laat & ‘Uzza et imper à-propos zotte l’historique.
°°°°°°°°°°°°
Assalāmualaykum Warhmatullāhi Wabarakātuhū
Hāmidan Wamuswalliyan
Al Jawāb Bi’ounillāh Wa’alayhi At-tuklān
Après Hadhrat Ibrāhīm Alayhis Salām so Du’a « Protège mo progéniture de prier banne statues » (Surah Ibrāhīm), banne personnes ti ena croyance seulement dans Allāh. Graduellement avec l’influence de banne lezot Arabe, banne habitants de Makkah fine commence prier plusieurs statues ki trois-là dans ti très reconnu Laat, Manaat et ‘Uzza.
LAAT
Hadhrat Ibnu ‘Abbās Radhiyallāhu ‘anhumā dire ki Laat ti ene personne depuis Tāif, so nom li Aamir Bin Zarb et li ti ene juge. Mais lezot commentateur dire ki li depuis Maqām Nakhlah ou ‘Ukaaz. Laat dérive de Latta et Yaluttu. Laat ti pé soigne banne cabris, ki quand banne voyageurs ti pé traverser, li ti pour traire du lait et prépare ene repas ki appelle ‘’Hareera’’ et ensuite li ti pé recevoir sa banne voyageur la comme l’invité et donne zotte ene boisson épaisse de l’orge à consommer. Quand Laat fine mort ene personne appelle Amr Bin Luhayy fine faire dimoune croire ki Laat pas mort mais finne rentre dans ene roche. Lerla sa roche représente Laat comme ene idole. [Référence :- Fath Al Bārī Vl 8 Page 612]
LA DESTRUCTION DE LAAT
Quand Banū Thaqīf fine accepter l’islam, zotte ti faire ene requête a Rasūlullāh Sallallāhu ‘alayhi Wasallam pour laisse Laat pour trois ans, le Prophète Sallallāhu ‘alayhi Wasallam pas finne accepter, li fine envoye Abū Sufyān Bin Harb et Mughīrah bin Shu’bah pour détruire Laat. Li ti difficile pour banne Banū Thaqīf mais le Prophète Sallallāhu ‘alayhi Wasallam fine montrer zotte ki la salut trouve dans la Salāh. Zotte fine accepter pour détruire Laat et tourne vers la Salāh [Seerah d’ibn Hishām et Anwārul Bayān Vl 5 Page 40]
‘UZZA
Allāmah Qurtubī Rahimahullāh dire ki ‘Uzza ti ene roche blanche situé dans Batn Nakhlah, ene personne par le nom de Zaalim Bin As’ad fine commence prier ‘Uzza, éventuellement dimounes fine arrange ene Synagogue pour faire banne prier li, akoz zotte ti pé tende ene la voix depuis sa roche la. Hadhrat Ibnu ‘Abbās Radhiyallāhu ‘anhumā dire ki ‘Uzza ti ene Shaytān femelle ki ti fréquente trois pied d’acacia dans Batn Nakhlah. [Tafsīr Qurtubī Vl 1 Page 99]
LA DESTRUCTION DE ‘UZZA
Après la conquête de Makkah, le Prophète Sallallāhu ‘alayhi Wasallam fine envoye Khālid Bin Walīd Radhiyallāhu ‘anhu pour détruire ‘Uzza ki ti ene Shaytān femelle ki habite ene dans sa trois pied d’acacia. Quand Khālid Bin Walīd Radhiyallāhu ‘anhu fine coupe première pied d’acacia, le Prophète Sallallāhu ‘alayhi Wasallam fine demande li si li fine faire quitte remarque, li répond non. Le Prophète Sallallāhu ‘alayhi Wasallam fine dire alle coupe deuxième pied la, après fine pose li la même question, li répond ki li pas fine faire aukene remarque. Quand li coupe troisième pied li fine trouve ene madame noire, avec ene cheveux chiffonner ki ti pé trainer lors so épaule et avec banne les dents fuiter et aigu, accompagner de so serviteur Dubayya ki pé tappe li lors so la tête. Khālid Bin Walīd Radhiyallāhu ‘anhu fine touille tous les deux. C’est la ki le Prophète Sallallāhu ‘alayhi Wasallam fine dire ki jamais personne pas pour prier ‘Uzza aster. [Fath Al Bārī Vl 8 Page 612 et Qurtubī Vl 9 Page 100]
Dans Bidāyah Wan Nihāyah finne rapporter ki quand Khālid Bin Walīd Radhiyallāhu ‘anhu ti alle dans Batn Nakhlah pour coupe troisième pied la, li fine trouve ene madame noire, toute nu et cheveux chiffonner pé assiser et jette du sable lors so la tête, toute suite Khālid Bin Walīd Radhiyallāhu ‘anhu fine exécute li. Le Prophète Sallallāhu ‘alayhi Wasallam fine informe Khālid Bin Walīd Radhiyallāhu ‘anhu ki sa madame cest ‘Uzza. [Vl 4 Page 316]
Allāh Ta’ālā le Savant Parfait et l’omniscient.
Mouftī Mohammad Ashhad Bin Saeed Al Mahmūdy
Dāruliftaa Mahmoodiyyah Mauritius
Fatwa@askmufti.net
Whatsapp +23052902134
